புதிரான உலகம்...Puthir.Com

வாழைப்பழங்கள் சாப்பிடுவதற்கு ஏற்ற நேரங்கள் எது தெரியுமா?

0 15

வாழைப்பழம் சாப்பிட்டால் நல்லது என்று கேள்விபட்டிருப்போம். அது, எப்பொழுது சாப்பிடுவதற்கு ஏற்ற நேரம்? என்று கேட்கின்றீர்களா? ஆம். வாழைப்பழம் சாப்பிடுவதற்கும் ஏற்ற நேரம் இருக்கின்றதாம். அதைப்பற்றிய ஒரு சுவாரஸ்ய தகவலை இப்போது பார்ப்போம்.

வாழைக்காய் பச்சையாக இருக்கும். அதை பஜ்ஜி போடத்தான் பயன்படுத்துவோம். அதுவே, மஞ்சளாக மாறினால் வாழைப்பழம். அதை அன்றாடம் உண்பதற்கு பயன்படுத்துவோம்.

அதுவே, மஞ்சள் நிறத்தில் இருக்கும் வாழைப்பழத்தில் கருப்பு புள்ளிகள் விழுந்துவிட்டால், அது மிகவும் பழுத்துவிட்டது அல்லது அழுகிவிட்டது என எண்ணி, அருவறுப்பான பாவனை கொண்டு வீசிவிடுவோம். இதைத்தான் அதிகமான மக்கள் செய்கின்றார்கள்.

ஆனால், வாழைப்பழம் எந்த நிலையில் இருக்கும் போது உட்கொள்ள வேண்டும் என்பது உங்களுக்கு தெரியுமா? வாழைப்பழம் மஞ்சளாக இருக்கும் போது உண்பதால் என்ன நன்மைகள், கருப்பு புள்ளிகள் விழுந்தவுடன் உண்பதால் என்ன நன்மைகள்? என்பது உங்களுக்கு தெரியாது.

புற்றுநோய்

நிறைய கருப்பு புள்ளிகள் கொண்டுள்ள வாழைப்பழம் புற்றுநோயை எதிர்த்து போராடுகிறது. அதோடு, புற்றுநோய் கட்டி உண்டாகாமல் இருக்கவும் உதவுகிறது.

வைட்டமின் சத்துக்கள்

கருப்பு புள்ளிகள் கொண்டுள்ள வாழைப்பழத்தில் தான் வைட்டமின் பி, சி, பொட்டாசியம் மற்றும் ஆண்டி-ஆக்ஸிடெண்ட் அதிகமாக இருக்கின்றது.

செரிமானம்

கருப்பு புள்ளிகளை கொண்ட வாழைப்பழம் அதிகமாக உண்பதால், செரிமானப் பிரச்சனை வரவே வராது.

புரோபயாடிக்

கருப்பு புள்ளிகள் இல்லாத வாழைப்பழம் சாப்பிடுவதால், புரோபயாடிக் அதிகமாக கிடைக்கிறது. மேலும், இது பெருங்குடல் ஆரோக்கியத்தை சீராக காக்கிறது.

சர்க்கரை அளவு

கருப்பு புள்ளி இருக்கும் வாழைப்பழங்களைவிட, கருப்பு புள்ளி இல்லாத வாழைப்பழத்தில் சர்க்கரை அளவு குறைவாக இருக்கும்.

மாவுச்சத்து

கருப்பு புள்ளி இல்லாத வாழைப் பழத்தில் மாவுச்சத்து அதிகம், இதனால், வயிறு சீக்கிரம் நிரம்பியது போன்ற உணர்வளிக்கும்.

கருப்பு புள்ளி உள்ள வாழைப்பழம்

வாழைப்பழம் கருப்பு புள்ளிகள் விழுந்தவுடன் உண்பது தான் நல்லது. ஆனால், இன்று பெரும்பாலும், மரபணு மாற்றி, கருப்பு புள்ளிகள் விழாமலும், அதிக நாள் பழுக்காமல் இருக்கும் பழங்கள் தான் விளைவிக்கப்படுகின்றன.